LINTANG PESISIR

Dening Yoni Ahmad

Suminar ing sisih lor
Kelap-kelip ngendhahi suwasana
Sesarengan kelap-kelipe banyu segara
Lerap-lerap cemorong suminar lintang ing segara
Ombak-ombak cilik tumapak ing pasir
Sansaya wengi sansaya banter

Angina kang tumeka saka lor
Mendhung putih katon lumaku
Nyisiri lelintangan wengi
Nanging lintang tetep pancer
Ana ing titik papan panggonane
Ora owah mensthi naming sekedhik
Si lintang tetep pancer lan nyuminar
Lintang pesisir ora bisa minggir
Endhahe ora bakal sumingkir