Dening Yoni Ahmad
Semarang, 25 Maret 2007 |
Barang kang rinaketan kaliyan warta
Kudu nggadahi tumindhak kang nyata
Kaya dene ukara kang wis tumata
Ing salebeting jiwa nalika semana
Dicekel adamel huru-hara
Sira kudu manunggal manungsa
Ora gawe sumepeting netra
Ora bisa maca tandha
Barang kang rinaketan kaliyan warta
Kudu nggadahi gaman kang nyata
Cinekel kanthi ukara ing rasa
Jujur keprungu apa sing ana
Menika ditulisana
Aja malah agawe dusta
Kang adamel huru-hara
Kang wis manunggal manungsa
Kadeleng kang duweni netra
Kang wis nggadahi tanda
Ilang mung dadi basa.
0 komentar:
Posting Komentar